Sunnmøre vs verda

På di nye heimebane finn du dei sju underverka ­Geiranger, Hjørundfjorden, Ålesund, Flø, Stranda­fjellet, Sunnmørsalpane og Runde.

Du får med andre ord UNESCO og verdsarvområder i Geiranger saman med turistar frå heile verda. Og i Hjørundfjorden møter du Hurtigruta og cruiseskip blant djupe fjordar  og sylkvasse vestlandstindar.

På Runde kan du sjå lundefuglen side om side med dedikerte naturfotografar med fotoutstyr til verdiar tilsvarende ein SUV.

På Strandafjellet helsar du på skiprofilar og får laussnøkøyring i verdsklasse midt i Sunnmørsalpane. Til slutt får du spennet mellom Ålesund, Noreg sin vakraste by, og ein liten kunstnarstad på Flø.

Vi får oppleve begge sidene ved Tanzania på nært hald, og vi vil sjå at økonomisk fattigdom set sitt merke på livet for mange. Vi skal møte folk som vi trur både vil utfordre, engasjere, skape glede og begeistring og gi ei forståing av livet i denne delen av verda. Samstundes skal vi besøke nokon av dei spektakulære og fantastiske reisemåla som Tanzania har å by på. Du møter lokale partnerar som arbeider for å stoppe ekstrem fattigdom, og her får du høyre korleis det går an å leve saman i fred som kristne og muslimar.

Les meir om turen på linjesida til Global.Safari.

Cuba er eit land med spennande historie, varme menneske, vakker natur og fargerike byar. Eit land der det meste er svært annleis enn i Norge! Cuba er den minst kommersielle øya i Karibien, og ein av dei siste kommunistisk-influerte statane i verda. Med signala som har kome frå USA om oppmjuking av boikotten, er det å vere der når endringane skjer, forhåpentligvis til det beste for folket, ekstra spennande! Mange har sagt ”reis til Cuba før det er for seint!”. Spør ein cubanar, og ho vil kanskje heller seie ”kom til Cuba – det er no det startar!”

Du kan lese meir om turen på linjesidene til Musikk.Friluftsliv.Cuba og Dans.Cuba.

Cape Town er for mange det ultimate reisemålet i verda. Landet er lokalisert på sør-vestspissen av det afrikanske kontinentet, mellom Det indiske hav og Atlanteren. Sørpolen er berre ei lang båtreise unna.

Byen er på mange måtar eit sentrum, og gjennom århundra også ein milepæl og stoppestad på reisa mellom Europa og Asia.

Fokus på apartheid, globalt medborgarskap og aktivitetar som fallskjermhopp, golf, safari og verdas høgaste strikkhopp kan vere nokre av ingrediensane på denne turen.

Fire ulike linjer reiser til Sør-Afrika. Innhaldet vil difor variere frå linje til linje. Sjå linjesidene for meir info om turopplegget til dei ulike linjene.

I tillegg vil du oppleve snorkling, dykking og luftige fjellturar på kvasse vulkanar opp mot 3000 meters høgde.

Hawaii er den femtiande og nyaste staten i USA, og består av 137 øyar. Den største av øyane heiter forvirrande nok også Hawaii, eller – for å vere heilt korrekt – Hawai’i. Dei andre store øyene er Maui, O’ahu, Kaua’i, Moloka’i, og Lãna’i.

Det er mange som drøymer om Hawaii. No kan draumen bli virkeligheit. Vi reiser til Hawaii for fjerde gong, og har sett saman eit spennande program. Hawaii er eit øyrike, og du vil besøke tre av øyane; Oahu, Kauai og Maui. Oahu er øya med Honolulu og Waikiki Beach.

Maui er ei innhaldsrik øy. Nokre seier at øya er magisk, med alt frå soloppgang på over 3000 meter på kanten av et vulkankrater, til snorkling med skilpadder.

Den siste øya, Kauai, er den grøne øya. Den ligg lengst mot nord, og klimaet her er fuktigare og grønare. Du kjenner det allereie på lufta når du kjem ut av flyet – nesten som på Vigra flyplass…

Les meir om turen på linjesida til SjøSnøSurf.Hawaii.

Då reiser vi sørover til varmare strok, og har 100% fokus på golf frå morgon til kveld. På fantastiske baner får du oppleve spektakulære utslag som du sjeldan har sett makan til. Vi bur på ein plass der alt ligg til rette for å få mest mogleg utbytte av treningsleiren. Dette blir dagar med gode opplevingar og samhald i kombinasjon med trening, sol, varme og venlegheit.

Les meir om turen på linjesida til Golf.Idrett.Sør-Afrika.

London er ein av verdas mest besøkte byar, og byr på det meste av det beste. Her er det nesten for mykje å sjå. I denne byen blir du inspirert av kunst, historie, teater, musikaler, danseforestillingar og konsertar; akkurat det vi er ute etter.

London er i tillegg ein multikulturell by der du finn 270 ulike nasjonalitetar og 300 ulike språk. Ein kjem heldigvis langt med berre engelsk og godt humør.

Les meir om turen på linjesida til Dans.Cuba og Musikk.Friluftsliv.Cuba.

Vi får innblikk i historie og den geopolitiske situasjonen, men mest av alt eit møte med dei som bur der – menneske som på ulike måtar er ramma av konflikten og okkupasjonen. Du besøkjer nokre av dei heilage stadane, du er på hike med beduinar, drikk te med nye vener i Star Street, og kanskje vil du flyte som ein kork i Dødehavet eller sove under open himmel i ørkenen.

Les meir om turen på linjesida til Global.Safari.