Dette er eit år der du får mengdetrening som musikalartist på små og store scener. Det blir eit sterkt fokus på skodespel, dubbing, musikaldans, sang og show. Du møter profesjonelle skodespelarar og musikalartistar gjennom meisterklassar og workshopar. 

Scene
På denne linja er du med på fleire eigne produksjonar, og saman med heile skulen set du opp ein musikal for 2500 tilskodarar i Sjøborg kulturhus. I Oslo er du innom eit dubbingstudio der du blir kasta rett ut i stemmeskodespel og voiceover-rolla. Du får også jobbe med ein castingagent som er god på auditiontrening. Etter det kan du gå på auditionar for jobbar eller vidare utdanning om du ønskjer det. Når året er slutt, har du fått med deg god erfaring som utøvande musikalartist – i tillegg til film og foto i semiprofesjonell kvalitet til showreelen/porteføljen din.

Studietur
Ikkje nok med det: I november reiser klassen på ein interrailtur til dei store musikalbyane i Europa. Då ventar storbypuls i blant anna London, Paris, Berlin, Hamburg og Stockholm. Der kjem du backstage på store oppsetjingar, ser musikalar, får fagleg påfyll frå profesjonelle utøvarar og besøkjer ulike utdanningsinstitusjonar.

Sunnmøre
Likevel får du meir. På godvêrsdagar bytter du ut eit mørkt scenegolv med sol og spektakulær natur. Då skal du ut! No er det storhavet og kvasse tindar som er locations, anten det er surfing i Hoddevika, hengekøyecamp, RIB-tur eller stemmebruk i stiv kuling som står på timeplanen.

Som du forstår: Dette er ikkje eit år som alle andre. Det er eit år der du kjem eitt steg nærare rampelyset!

Fortsatt nysgjerrig?
Sjekk ut “les meir om linja” litt lenger ned på sida.