IDRETT.BALL

Linjeinnhald / Bilde / Film / Studietur / Sosiale medier / Lærar / Pris
På Idrett.Ball får du oppleve mykje. Ikkje berre i 2 x 45 minutt, men eit heilt år. Eit år med sigrar, tap, svett garderobestemning og gode lagkamerater.

Denne linja passer sjølsagt perfekt for deg som likar allslags ballsport. Og du får meir: du får surfe i Hoddevika, køyre pudder på Strandafjellet, klatre Via Ferrata, køyre styggfort på gokartbana, vere snikskytter i paintball, dødse frå 5-meter’n, teste ut ein dag med paraglider og mykje anna.

I tillegg til skulen sin gymsal og frisbeegolfbane er det kun 50 m til eit stort treningssenter med crossfitanlegg, squashbaner, møller og alt du treng av treningsapparat (500 kr for eit heilt skuleår). Det er også kort veg til ei sykkelbane med flytstiar, 9-hols golfbane, 18-hols fotballgolfbane, turnhall, padelhall, buldrehall, fotballhall, friidrettshall og fri tilgong til ein svær fleirbrukshall med klatrevegg og badeland. 

På turen til Sør-Afrika får du høg puls i ditt fyrste fallskjermhopp og i verdas lengste strikkhopp på 216 m, du surfar, køyrer ATV og opplever ein dag på Safari. På Robben Island får du besøke fengselscella til Nelson Mandela.

Eigentleg er det ikkje noko å lure på. Pakk treningsbaggen og gjer deg klar!
Fortsatt nysgjerrig? Då bør du sjekke ut “les meir om linja” litt lenger ned på sida. 

Linjeinnhald

  • Sør-Afrika
  • Fallskjerm - Cape Town
  • Fotball
  • Volleyball/beachvolley
  • Golf
  • Treningsstudio
  • Paragliding testdag
  • Skikøyring på Strandafjellet
  • Langrenn
  • Surfing i Hoddevika
  • Squash/badminton
  • Klatring
  • Skøyter/ishockey
  • Toppturar på Sunnmøre
  • Stup/symjing
  • Frisbeegolf/fotballgolf
  • Go-kart
  • Paintball
  • Leirdueskyting
  • Strikkhopp 216 m
  • Topptur Sunnmørsalpane
  • ATV
  • Zipline

Les meir om linja

Laster...

Bilde

Magiske sekund. Vener for livet.

Eit år på folkehøgskule byr på mange magiske augneblikk. Nokre av dei lagrar du på netthinna. Andre festar du på ein minnebrikke.
Her ser du noko av kva som skjer på linja. Du finn fleire bilete på instagram (@idrettballsunnmorefhs).

Film

Idrett.Ball.Sør-Afrika i kortversjon

Har du 35 sekund? Då kan du få eit lite innblikk i kva som ventar deg på linja. Du finn òg ulike filmar og bilete frå ulike opplegg på linja på Instagram (@idrettballsunnmorefhs).

video

Studietur

Årets store høgdepunkt for mange er utlandsturen til Cape Town, Sør-Afrika. Hit reiser vi i lag med Golf.Idrett og Multisport.

Det at vi reiser fleire linjer i lag er veldig kjekt og gir turen ei god sosial ramme. Vi bur i lag på eit backpacker hostel som heiter Sunflower. Dette er ein trygg og god overnattingsplass berre nokre minutt frå sentrum av byen.

Sør-Afrika er eit herlig land å reise til med eit godt klima, billeg og veldig god mat og mykje kjekt å finne på. Vi har reist hit i mange år og har blitt kjent med mange flotte personar, og desse vil du òg få møte.

Våre lokale kontaktpersonar er med på å gi turen ein ekstra dimensjon då dei tek oss med og gir oss opplevingar som vanlege turistar i landet aldri får oppleve. Gjennom overnatting i vertsfamilier får du ei helg i ein Sør-Afrikansk heim, ei oppleving du vil hugse lenge.

Turen er ein god miks av å nyte livet, delta på ulike opplevingar, få gjere ein innsats gjennom ulike prosjekt og kanskje eit adrenalinkick eller to.

NB! Denne teksten prøver å beskrive korleis turen er, men Sør-Afrika må opplevast sjølv. Vi gir deg ein tur som ingen turistbyrå er i nærleiken av å kunne matche. Det er ein lovnad!

 

Adrenalin:

  • Shark Cage Diving
    Du får sjå kvithaien på veldig nært hald
  • Verdas høgste strikkhopp (216 meter) frå Bloukrans Bridge
  • ATV (quarterbike) i flott natur
  • Fallskjermhopp i Cape Town
  • Zip Line (sjekk ut Cape Canopy Tours)

 

Prosjekt:

  • Skulebesøk med undervisning frå 1. til 8. klasse
  • Homeless Soccer via CapeFlats YMCA
  • Delta på aktiviteter i ein heim for narkomane

 

Andre opplegg:

  • Bu ei helg i vertsfamile
  • Surfing i flotte Muizenberg
  • Omvisning i Langa Township
  • Safari utanfor George (du får sjå «the big five»)
  • Beachvolley, beachrugby m.m.
  • Garden Route, kanskje verdas vakraste bilveg
  • Besøke Robben Island og Table Mountain

 

Sosiale medier

Instagram icon @idrettballsunnmorefhs

Lærar

Per Bernt Aske
pba@sufh.no | 70009600 | 91661814
På Vestlandet er alt lov når det gjeld namnekombinasjonar. Per Bernt er idrettslæraren med 0,8 i hcp i golf og 1. divisjonsspel for Hødd. "PB" inviterer motspelar til å bruke leggskinn på kunstgrasbana, men leverer også følsomt nærspel på putting-greenen. 

Pris

Kostnadar skuleåret 2025-2026
Felleskostnadar:

Innmeldingspengar:
kr 2 900,-

Oppholdspengar (kost/losji):
kr 92 000,-

Felleskostnadar (m.a. utstyrsleige, kopiering, valfag, fellesturar):
kr 15 000,-

Enkeltrom (begrensa antal rom):
kr 9 000,-

 

Til saman (m/dobbeltrom):
kr 109 900,-

Summane i linjetillegget er ut ifrå budsjett. Skulen tek difor atterhald om endringar grunna t.d. valutakursar, prisar på flybillettar og andre tilhøve som vi i liten grad kan påverke.

Statens Lånekasse gjev stipend og lån i 10 månader (www.lanekassen.no).

Linjetillegg (inkl. ev. utlandsturar):

Linjetillegg for skuleåret 2025-26

Musikk.Friluft kr 35 000,-
Idrett.Ball kr 35 000,-
Global.Safari kr 69 000,-
Alarm.Beredskap kr 45 000,-
Golf.Idrett kr 47 000,-
Multisport kr 45 000,-
SjøSnøSurf kr 45 000,-
Bo.Aktiv * kr 35 000,-

* Linja krev i tillegg eit tilskot frå NAV.