IDRETT.BALL.SØR-AFRIKA

I gymsalen eller treningssenteret, på Sunnmøre eller i Sør-Afrika, med eller utan ball, så jaktar vi på gode opplevingar i eit godt klassefellesskap.

På Sunnmøre Folkehøgskule ligg det godt til rette for deg som ynskjer å vere aktiv. Her har du fri tilgang til gymsal og flott treningssenter på tunet. Like ved ligg Høddvoll med kunstgrasbaner og Ulsteinhallen med ein av Noregs beste hallar for friidrett.

Sunnmøre Golfklubb ligg berre 5 minutt frå skulen og der vil du saman med golfklassa få prøve ut om golf er noko for deg.

Sunnmørsalpane ligg godt tilrette for toppturar og skisenter ligg berre ein kort køyretur unna, og der vil du med klassa og saman med resten av skulen få kose deg til fots eller på ski eller brett. Strandafjellet er nettopp kåra til Noregs beste skianlegg og dit reiser vi på hyttetur og testar ut både bakke og ikkje minst frikøyring i laussnøen. Fotball og volleyball er to idrettar som vi skal gjere mykje, og her vil det òg vere mogleg å representere skulen på turneringar.

Vi stiller ingen krav til nivå eller dugleik, men vi ynskjer eit aktivt miljø der du blir utfordra, og der det er lov  å vere god, men òg å mislukkast. Vi vil trene i lag, pushe kvarandre, le masse  og vi skal saman skape eit godt klassemiljø der alle føler seg bra!

Årets høgdepunkt for mange er Sør Afrika og alt vi skal gjere og oppleve der, og den kan du lese meir om under studietur.

Kva trur du blir ditt høgdepunkt?  Eit år på folkehøgskule er vanskeleg å beskrive, men vi håpar å lage eit år med samhald, gode lagkameratar og opplevingar!

Eit år på folkehøgskule byr på mange magiske augneblikk. Nokre av dei lagrar du på netthinna. Andre festar du på ein minnebrikke.
Her ser du noko av kva som skjer på linja. Du finn fleire bilete på instragram (@idrettballsunnmorefhs) og på linja sine facebooksider

Har du 35 sekund? Då kan du få eit lite innblikk i kva som ventar deg på linja. Du finn òg ulike filmar, bilete og nyhende frå ulike opplegg på linja si facebookside. Den oppdaterast kvar veke

Det at vi reiser fleire linjer i lag er veldig kjekt og gir turen ei god sosial ramme. Vi bur i lag på eit backpacker hostel som heiter Sunflower. Dette er ein trygg og god overnattingsplass berre nokre minutt frå sentrum av byen.

Sør Afrika er eit herlig land å reise til med eit godt klima, billig og veldig god mat og mykje kjekt å finne på. Vi har reist hit i mange år og har blitt kjent med mange flotte personar, og desse vil du òg få møte.

Desse kontaktene våre er med på å gi turen ein ekstra dimensjon då dei tek oss med og gir oss opplevingar som vanlege turistar i landet aldri får oppleve. Gjennom overnatting i vertsfamilier får du ei helg i ein Sør Afrikansk heim, ei oppleving du vil hugse lenge.

Turen er ein god miks av å nyte livet, delta på ulike opplevingar, få gjere ein innsats gjennom ulike prosjekt og kanskje eit adrenalinkick eller to.

NB! Denne teksten prøver å beskrive korleis turen er, men Sør Afrika må opplevast sjølv. Vi gir deg ein tur som ingen turistbyrå er i nærheten av å kunne matche. Det er ein lovnad!

Adrenalin

• Shark Cage Diving
  Du får sjå kvithaien på veldig nært hald.
• Strikkhopp frå Bloukrans Bridge
  Verdas høgste frå bru (216 meter)
• ATV (quarterbike) i flott natur.
• Fallkjermhopp i Cape Town
• Zip Line (sjekk ut Cape Canopy Tours)

Prosjekt

• Skulebesøk med undervisning frå 1. til 8. klasse.
• Homeless Soccer via CapeFlats YMCA.
• Delta på aktiviteter i ein heim for narkomane.

Andre opplegg

• Bo ei helg i vertsfamiler.
• Surfing i flotte Muizenberg.
• Omvisning i Langa Township.
• Safari utanfor George (du får sjå «the big five»).
• Beachvolley, beachrugby m.m.
• Garden Route, kanskje verdas vakraste bilveg.
• Besøke Robben Island og Table Mountain.