Du søkjer deg inn på eit linjefag. Når året er omme kan det likevel vere opplegga på tvers av linjene som sit sterkast igjen.
Eit folkehøgskuleår er spekka med fellesopplevingar, undervisning og turar. Her vil du oppleve meir enn du trudde var mogleg då du starta skuleåret.
Gløym matpakke, her får du heimebaka brød og varm lunsj nesten kvar dag. I tillegg kan du forsyne deg av frukt og ein stor salatbar.
Ein internatskule inneheld mykje mat, faktisk fire gonger om dagen sju dagar i veka. Då er det greitt å vite at nokre av dei beste timane dine i døgnet får du nettopp i matsalen. Ikkje berre fordi maten er god, men fordi det er då du har best tid – tid til å slappe av med gode kompisar.
Ofte handlar desse samtalane om kvardagslege ting, men av og til er det også rom for litt ekstra djupe pratar. Det er difor matsalen er open frå tidleg morgon til seine kvelden.
Faktisk er måltidsfellesskapet med ein kaffekopp i handa noko av det du kjem til å sakna aller mest etter eit folkehøgskuleår. Og sit du lenge nok, dukkar det overraskande ofte opp deilig reste-fest-mat etter storfine arrangement i selskapslokala våre. Det er ein grei bonus å ta med seg.
Dine gode hjelperar i kvardagen er fire kokkar som alle vil gjere sitt beste for at du får næringsrike og velsmakande middagar. Det er vegetarmat kvar dag og kokke-teamet lager sjølvsagt gluten- og laktosefrie rettar om du treng det.
Om du har andre diett-behov er det berre å ta kontakt. Det er normalt ingen ekstra kostnad knytta til dette.
Safari.Sunnmøre – 14 dagar med kortreist glede.
På di nye heimebane får du mange dagar på tur med heile skulen. Saman med turistar frå heile verda får du sjå verdsarvområder i Geiranger med djupe fjordar og sylkvasse vestlandstindar.
I Ålesund, Norge sin vakraste by, tar du ein espresso og på fuglefjellet Runde ser du lundefuglen side om side med dedikerte naturfotografar med fotoutstyr til verdiar tilsvarende ein Tesla.
På Bjorli ventar ei veke på ski på det som kanskje er den mest snøsikre staden i landet. På Strandafjellet Skisenter helsar du på skiprofilar og får laussnøkøyring i verdsklasse midt i Sunnmørsalpane.
Året avsluttast på Hakallegarden. Då overtar skulen ein stor opplevingsgard og lagar ein “gøy-på-landet”-festival spekka med rare dyr, god mat, konsertar, diverse workshops, barbeque og cowboyfest.
Best av alt: Neste år er det din tur.
Eit friår er ikkje det same som eit år fri.
I staden har du moglegheit til å utforske interessa di på nye måtar. Du får ulike seminar og workshops med gira lærarar og kompetente foredragsholdarar som held eit høgt fagleg nivå. Og kanskje viktigast av alt: Her er ikkje målet å setje karakterar, men å byggje karakter.
I fellesfaga vil du møte ulike tema som til dømes samarbeid/konfliktløysing, personlegdomstestar, psykisk helse, tru/verdiar, samfunn, militærmakt, berekraft, kreativitet, friluftsliv, kosthald/trening og karrierevegleiing.
I folkehøgskulen kaller vi desse fellesfaga for danningsfag. Med danning meiner vi forenkla sagt den kunnskapen du sit igjen med etter at du har gløymt det du har lært.
Tygg litt på den!
Eit år på folkehøgskule skil seg frå det du har gjort av skulegang tidlegare.
Faga er færre og fridomen er større. Det gjer året ulikt frå veke til veke. Nokre veker er du på lange linjeopplegg og studieturar. Andre periodar er du med på musikalprosjekt, skiveke eller møter andre folkehøgskular på fotball- og volleyballturneringar. På slutten av året er du med og lagar ein tre dagar lang festival på ein opplevingsgard.
Ulikskapane til trass: Under finn du eit døme på det næraste vi kjem ei gjennomsnittsveke. Der finn du også ei oversikt over kva som skjer i løpet av eit år.
Kva som blir ditt høgdepunkt i året gjenstår å sjå…
Kvart år skaper elevar og lærarar ved skulen ein musikal. I to veker legg vi all anna undervisning til side, og jobbar kun med den.
I løpet av travle og hektiske dagar kan du utfalde deg, anten du ynskjer å jobbe med drama, dans, band, vokal, kostyme, kulisser eller lyd og lys.
Om du ikkje ynskjer å vere direkte knytt opp mot sjølve musikalarbeidet, kan du anten spre glede i miljøgruppa eller ta del i ei praktisk snikkargruppe som får andre oppgåver desse dagane. Felles for alle, er at det blir skapande dagar på tvers av klasser.
Kvart år ser ca 2500 tilskodarar oppsetninga i kulturhuset Sjøborg. Dei heile avsluttast med ei forestilling for føresette under familiehelga.
Sist år sat elevane opp “Rockeulven”. Tidlegare år har mellom anna High School Musical, Annie, Madegaskar, Happy Feet, Oliver Twist, Ronja Røverdatter, Løvenes Konge og Jungelboken stått på programmet.
Skulen har eit samarbeid med Ilula WMCA i landsbyen Ilula i Tanzania.
Dette partnerskapet er ein del av KFUK-KFUM Global sin Stop Poverty-kampanje.
Kvart år samlar elevane på skulen inn mellom 500.000 og 700.000 kroner. Det blir organisert gjennom ein elevkomitè som heiter «IlulaLove». Denne komitèen sørger for at heile skulen bidreg med sponsorløp, loppemarknad, faste kafe-kveldar, live-sending på SoMe og ulike interne challenges.
I tillegg reiser Global.Safari-linja til Ilula kvart år og kjem på den måten tett på både prosjektet og lokale ungdommar. Dei kan med eigne auge sjå nytta av samarbeidet, og formidle dette vidare til resten av skulen.
Eit arbeid som blir gjort i Ilula er nettopp kåra til det aller beste av alle dei om lag 8000 bistandsprosjekta i landet. Det gjer oss trygge på at våre partnerar brukar dei innsamla midlane på ein god måte.
Eit folkehøgskuleår inneheld ei rekke arrangement. Nokre av dei er knytt opp mot skulekvardagen din.
Det kan mellom anna vere elevtreff, loppemarknad og familiehelg. I tillegg kjem arrangement som kan variere frå år til år, til dømes konsertar, forestillingar, turneringar og opne seminar for bygda. Her kan du lese meir om dei faste arrangementa som går igjen kvart skuleår.
Har du lyst å strikke skulen sin eigendesigna genser?
Formingslærar Beate har laga strikkeoppskrifta.
Hovudmønsteret til skulegenser i Lettlopi garn.
Antall masker og mål på en M-genser om du heller vil strikke den i Per Gynt-/Smartgarn
Skulegenser – mønster på ruteark