Ulsteinvik er ein liten bygdeby som har blitt kåra til den mest attraktive tettstaden i landet. Her bur det 8000 innbyggarar og det er eit handelssenter for eit område med 25.000 mennesker. Her finn du det aller meste av det du treng. Pluss ein god del til. 

Treningsanlegg
I tillegg til skulen sin gymsal og frisbeegolfbane, har Ulsteinvik sannsynlegvis Norges beste miks av splitter nye idrettsanlegg. Rett ved skulen finn du ein turnhall, padelhall, buldrehall, innendørs fotballhall, ein svær fleirbrukshall med klatrevegg og badeland pluss ein av Norges største friidrettshallar. Her er også ein sykkelbane med flytstiar og ein fin 9-hols golfbane med ein avansert golfsimulator og ein 18-hols fotballgolfbane. 

Fly/buss
Ulsteinvik er utanfor allfarveg. Heldigvis! Men byen er ikkje lengre unna enn at du kjapt kjem deg dit du vil. Du kan flyge med SAS og Norwegian frå Ålesund som ligg 50 min frå skulen. Enda nærare er Widerøe sine avgangar frå Ørsta-Volda. Den flyplassen er berre ein knapp halvtime unna. I tillegg går det to daglege bussavgangar frå Ulsteinvik til dei store byane i Sør-Norge. 

Oppsummert: Velkomen til Ulsteinvik.
Velkomen til noko vilt, vakkert og ekte!

Etter denne datoen tek vi opp elevar fram til linjene og/eller skulen er full. Det er altså ingen søknadsfrist, men vi har nokre linjer som blir fort fulle, og innan mars-april kan skulen vere fylt opp. Du vil uansett få ein frist på å svare på om du tek plassen eller ikkje, slik at du kan vente på svar frå andre aktuelle folkehøgskular også.

Du har rett til å få opplyst fra oss kva slags personopplysningar vi har registrert om deg. Dersom dei er feilaktige, ufullstendige eller irrelevante kan du kreve at opplysningane vert retta eller sletta i samsvar med gjeldande lovgivning. 

Om du ynskjer å få informasjon om kva type opplysningar som er registrert om deg, ynskjer innsyn/retting/sletting i det som er registrert om deg, eller har generelle spørsmål om behandling av personopplysningar hos oss, kan du ta kontakt med oss på post@sufh.no 

Søkjer du skuleplass hos oss, registrerer vi blant anna namn, fødselsnummer og kontaktinformasjon. Formålet med registreringa er å administrere og behandle søknaden din. Opplysningane blir lagra i WisWebNavi som er det administrative systemet for alle folkehøgskular. Du må ta direkte kontakt med oss om du ynskjer utskrift av personopplysningane som er lagra om deg. 

Vi samlar inn nettstatistikk for å forbetre nettstaden og måle kor godt det fungerer. Eksempel på kva statistikken gjev svar på, er kor mange som besøker nettstaden, kva sider som vert besøkt, kor lenge besøket varer, kva nettstadar brukarne kjem frå og kva nettlesarar som vert nytta. 

Les mer om Google analytics og personvern her. 

Du finn meir informasjon om personvern og personvernrelaterte saker på nettsidene til Datatilsynet. 

Ideen vart formidla vidare til Sunnmøre kristelege ungdomskrins og Søndmøre fellesforeining for Indremisjon, og skulen kom i gong som eit samarbeid mellom nettopp desse foreiningane.

Oppstarten i 1908
Det fyrste kurset starta i Ulsteinvik den 15. oktober 1908 med 48 elevar og Gudleik Kalsnes som styrar.

Dei ytre vilkåra for skulen har vore skiftande. Starten var i enkle og heller vanskelege kår. Den teoretiske opplæringa gjekk føre seg i storsalen i bedehuset, og handarbeidet i småsalen ved sidan av.

I ein heller liten kjellar i eit privathus eit stykke unna var rom for kjøkken- og matstell. Tilsvarande vilkår hadde sløydopplæringa. Hyblar fekk elevane i heimane i bygda. Der stelte dei seg sjølve, og tok berre middagen på skulen.

Alt året etter, i 1909, bygde det kristne ungdomslaget i bygda eige hus, “Fredheim” der skulen heldt til i 10 år, men framleis måtte elevane bu på hyblar i bygda.

Men skulen trengde etterkvart sitt eige bygg. Kalsnes og mange av indremisjonsfolket ville ikkje bygge i Ulsteinvik. I 1913 kjøpte Kalsnes skuletomt i Borgund, men då ungdomskrinsen ikkje ville flytte skulen, skildest dei.

Kalsnes starta ny ungdomsskule i Borgund, og ettersom det offentlege tilskotet fylgde styraren, og ikkje skulen, vart Sunnmøre ungdomsskule ribba for pengemidlar, og måtte greie seg sjølve om skulen skulle halde fram.

Ny start – nye lokale
På grunnlag av eit sterkt ynskje frå ungdomskrinsen og mange andre om at skulen måtte halde fram, og bli i Ulsteinvik, valde ein nytt forstandarskap. Og med styret sitt samtykke og kommunen si hjelp vart Sunnmøre ungdomsskule verande i Ulsteinvik med Severin Hop som ny styrar og med Ungdomskrinsen og Ungdomsforbundet bak seg. Fyrst då det 10. kurset starta, 1917 -18, fekk skulen (på ny) offentleg stønad.

20.desember 1918 kunne elevane endeleg flytte inn i eigen skuleheim, “Lidarheim”, før dei tok juleferie. Der var plass til all undervisning og det meste av lærarpersonalet. Dette var resultat av eit storløft frå både bydefolk og alle skulen sine vener. Skulen var bygd av to gamle hotell frå Røldal og Oppheim på Vossestrand, i tillegg til noko nybygg. 

Hotell-drift
Etter kvart forma nye og større mål seg, og etter krigen vart nye bygg reist i tre ulike byggetrinn: nytt internatbygg i 1966, nytt mellombygg med matsal, gymsal og fellesareal i 1968, og nytt administrasjons- og undervisningsbygg i 1975. Dette gjorde nytta i over 30 år, fram til skulen 18. desember 2006 tok over tidlegare Ulstein Hotel sine lokaler i Varleite, 88 år etter at dei to fyrste hotella vart kjøpt. 

Eigentleg var planane for eit nytt internatbygg på Reiten klart, men så kom ideen om «Trekantsaka» opp i 2001. Den gjekk ut på at Ulstein kommune kjøpte bygningsmassen til Sunnmøre Folkehøgskule, skulen kjøpte hotellet sine lokaler, og hotellet bygde nytt hotell med kulturhus i sentrum i samarbeid med kommunen.

Etter mange runder og politiske drakampar, kom det avgjerande kommunestyrevedtaket i 2005. Dermed vart det som starta som ein frisk ide blitt eit faktum, og i ettertid ser ein at «Trekantsaka» har vore avgjerande både for utviklinga av kulturliv, sentrumsutbygging og Sunnmøre Folkehøgskule.

Dagens eigarforhold:
Det er i dag Norges KFUK-KFUM og Sunnmøre krins av Norges KFUK-KFUM som eig og driv Stiftinga Sunnmøre Folkehøgskule.

Etter ei omorganisering i 1991 vart eigedomane skilt ut i eit aksjeselskap (SUFH BYGG AS) med Norges KFUK-KFUM (40%) og Sunnmøre Krins av Norges KFUK-KFUM (60%) som aksjonærar.

Meininga med omorganiseringa av eigarstrukturen var å knyte skulen og skuledrifta nærare til organisasjonen sentralt. Det har ein lukkast godt med, og Sunnmøre Folkehøgskule inngår i dag som ein viktig del av folkehøgskulestrategien til KFUK-KFUM saman med dei fire andre KM-skulane Valdres Fhs, Svalbard Fhs, Rønningen Fhs og Folkehøgskulen Nord-Norge.

Vi skal vere ein stad der komfortsona di vert utfordra, men der du likevel kjenner deg trygg på at du er på rett plass. Difor er det viktig at verdiar som ærlegdom, respekt og kjærleik pregar både undervisning, fritid og internatliv.

Vi er ein rusfri skule og byggjer på eit kristent og humanistisk verdigrunnlag. Slagordet til eigarane våre, KFUK-KFUM, er «Ver deg sjølv, stå opp for andre». Vi håper du opplever det som meir enn berre fine ord.