Denne linja passer perfekt for deg som likar allslags ballsport og gira lagkameratar. Her blir det fotball, beachvolley/volleyball, handball, basket, innebandy, fotballgolf og golf. Du får også racketsporter som padel, squash, pickleball, badminton og bordtennis. I eit stort treningssenter 50 m unna kan du trene så mykje du vil. Her er crossfitanlegg, squashbaner, møller og alt du treng av treningsapparat.

Fantastiske idrettsanlegg
I tillegg til skulen sin gymsal og frisbeegolfbane, har Ulsteinvik sannsynlegvis Norges beste miks av splitter nye idrettsanlegg. Rett ved skulen finn du ein turnhall, padelhall, buldrehall, innendørs fotballhall, ein svær fleirbrukshall med klatrevegg og badeland pluss ein av Norges største friidrettshallar. Her er også ein sykkelbane med flytstiar og ein fin 9-hols golfbane med ein avansert golfsimulator og ein 18-hols fotballgolfbane. Treningssenteret, klatrehallen og badeland har du fri tilgong til om du blir med i skulen sitt lokallag av KFUK-KFUM. Det koster kun 500 kroner for eit heilt skuleår.

Meir enn berre ballspel
I løpet av året får du også tid til å surfe i Hoddevika, køyre pudder på Strandafjellet skisenter, klatre Via Ferrata i Loen, køyre styggfort på gokartbana, vere snikskytter i paintball, dødse frå 5-meter’n, teste ut ein dag med paraglider og mykje meir.

Sør-Afrika
På turen til Sør-Afrika venter nye adrenalinkick. Du får fallskjermhopp, verdas lengste strikkhopp på 216 m, ATV og safari. Sør-Afrika er likevel meir enn det. I Cape Town får du ein miks av sterke menneskemøter og meiningsfylte prosjekt blant fattige i townshipen. På Robben Island vil du også besøke fengselscella til Nelson Mandela.

Turneringar
Kvart år blir det tatt ut skulelag for gutar og jenter til prestisjetunge fotball- og volleyballturneringar. Då møter vi seks andre folkehøgskular til dagar med duellar, knallhard innsats og stappfulle tribunar. Målet er å slå skular som har eigne fotball- eller volleyballinjer. Det er grei stemning når det skjer.

Gira innstilling
Vi håper at noko av dette høyrast fristande ut, og vi forventer sjølvsagt ikkje at du mestrer alle aktivitetane frå før. Vår erfaring er at det viktigaste du kan bidra med er ei sporty innstilling, stå-på-vilje og ein lyst til å teste ut nye aktivitetar. Då blir resultatet eit godt klassemiljø med gode venner du kanskje vil ha for resten av livet.

Sør-Afrika er eit herlig land å reise til med eit godt klima, billeg og veldig god mat og mykje kjekt å finne på. Vi har reist hit i mange år og har blitt kjent med mange flotte personar, og desse vil du òg få møte.

Våre lokale kontaktpersonar er med på å gi turen ein ekstra dimensjon då dei tek oss med og gir oss opplevingar som vanlege turistar i landet aldri får oppleve. Gjennom overnatting i vertsfamilier får du ei helg i ein Sør-Afrikansk heim, ei oppleving du vil hugse lenge.

Turen er ein god miks av å nyte livet, delta på ulike opplevingar, få gjere ein innsats gjennom ulike prosjekt og kanskje eit adrenalinkick eller to.

NB! Denne teksten prøver å beskrive korleis turen er, men Sør-Afrika må opplevast sjølv. Vi gir deg ein tur som ingen turistbyrå er i nærleiken av å kunne matche. Det er ein lovnad!

Adrenalin:

• Verdas høgste strikkhopp (216 meter) frå Bloukrans Bridge
• Fallskjermhopp i Cape Town (10 000 ft)
• Zip Line (sjekk ut Cape Canopy Tours)

Prosjekt:

• Skulebesøk med undervisning frå 1. til 8. klasse
• Homeless Soccer via CapeFlats YMCA
• Delta på aktiviteter i ein heim for narkomane

Andre opplegg:

• Bu ei helg i vertsfamile
• Surfing i flotte Muizenberg
• Omvisning i Langa Township
• Safari utanfor George (du får sjå «the big five»)
• Beachvolley, beachrugby m.m.
• Garden Route, kanskje verdas vakraste bilveg
• Besøke Robben Island og Table Mountain

Dette ei fast side som går igjen på alle sidene. Dette ei fast side som går igjen på alle sidene. Dette ei fast side som går igjen på alle sidene. Dette ei fast side som går igjen på alle sidene. Dette ei fast side som går igjen på alle sidene.