Sunnmøre Golfklubb si bane ligg berre 4 km frå skulen. Det er ei lang 9-holsbane der du kan spele gratis så mykje du vil så lenge forholda tillet det. På vinteren kan du også spele gratis på klubben sin nye Trackman Simulator. I tillegg spelar du på fleire baner på Sunnmøre på haust og vår. Du får også ei veke på treningsleir i utlandet. Det er ikkje bestemt kvar reisa går, men dei siste åra har linja vore i Polen, Spania eller Portugal.

På hausten vil du naturleg nok spele på linjedagar, men du har også muligheit til to ekstra dagar i veka om du veljer golf valfag. Legg vi til speling på fritida i helgar og på kveldstid, vil du til sammen få nok golf til å utvikle deg som spelar.

Svinganalyse
Golflærar Per Bernt har for tida 0,8 i handicap. For han er den største motivasjonen å formidle golfglede til både ferske og erfarne spelarar. Opp gjennom åra har linja hatt både elevar med 54 i handicap og elevar med pluss-handicap. Om du ynskjer det, vil han gje deg svinganalyse som bidreg til at du spelar deg ned i handicap i løpet av skuleåret.

Studietur
I oktober/november reiser vi saman med linja Idrett.Ball på skuletur til Sør-Afrika. For mange vil denne turen vere eit høgdepunkt. I tillegg til dagar med golf, får du også verdas høgste strikkhopp på 216 m, fallskjermhopping, surfing og ATV. Det blir også tid til å besøke fengselscella til Nelson Mandela på Robben Island.

Andre aktivitetar
Noko av undervisninga vil vere saman med linja Idrett.Ball. Utanfor golfsesongen får du difor ulike ballspel, surfe i Hoddevika, køyre pudder på Strandafjellet, klatre Via Ferrata, køyre styggfort på gokartbana, vere snikskytter i paintball, dødse frå 5-meter’n, teste ut ein dag med paraglider, trene så mykje du vil på treningssenter og mykje anna.

Treningsfasilitetar
På skulen har vi frisbeegolfbane og det er også kort veg til ei 18-hols fotballgolfbane. 50 meter frå skulen ligg eit stort treningssenter med squash-hallar, crossfit-anlegg og alt du treng av treningsapparat. Treningssenteret, klatrehallen og badeland har du fri tilgong til om du blir med i skulen sitt lokallag av KFUK-KFUM. Det koster kun 500 kroner for eit heilt skuleår.

I februar reiser vi frå kulda og mørket på treningsleir til Spania. Dette blir ei god veke med 100 % golf frå morgon til kveld.

Sør-Afrika er eit herleg land å reise til med eit godt klima, billeg og veldig god mat og mykje kjekt å finne på. Vi har reist hit i mange år og har blitt kjend med mange flotte personar, og desse vil du òg få møte.

Desse kontaktene våre er med på å gi turen ein ekstra dimensjon då dei tek oss med og gir oss opplevingar som vanlege turistar i landet aldri får oppleve. Gjennom overnatting i vertsfamilier får du ei helg i ein Sør-Afrikansk heim, ei oppleving du vil huske lenge.

Turen er ein god miks av å nyte livet, delta på ulike opplevingar, få gjere ein innsats gjennom ulike prosjekt og kanskje eit adrenalinkick eller to.

Sør-Afrika er ein stor golfnasjon og det å få rusle ut på banene her er stort for alle som likar golf. Banene held høg standard og tek godt  imot gjestar frå det kalde nord.

Denne teksta prøver å beskrive korleis turen er, men Sør-Afrika må opplevast sjølv. Kulepunkta gjev berre ein liten smakebit. Vi gir deg ein tur som ingen turistbyrå er i nærleiken av å kunne matche. Det er ein lovnad!

Golfbaner du skal få spele på:

• Oubaii Golf Course i George
• Mowbray Golf i Cape Town
• Stellonbosch og Devonvale Golf
• Milnerton Golf Course
• West Lake Golf  Course

Adrenalin:

• Shark Cage Diving
• ATV (quarterbike) i flott natur
• Bloukrans Bridge strikkhopp 216 meter
• Fallskjermhopp i Cape Town

Prosjekt:

• Skulebesøk med undervisning frå 1. til 8. klasse
• Homeless Soccer via CapeFlats YMCA. Vi møter dei og spelar fotball m.m.
• Møte med heim for narkomane og delta på aktivitetar saman med dei.

Andre opplegg:

• Bu ei helg i vertsfamiler
• Surfing i flotte Muizenberg
• Safari utanfor George
• Køyre Garden Route. Kanskje verdas vakraste bilveg mellom Cape Town og George
• Besøke Robben Island og Table Mountain

I tillegg skal vi på treningsleir til Spania ei veke i mars. På denne linja er det med andre ord mogleg å spele golf året rundt.

På denne linja vil du spele på ulike baner på Sunnmøre på haust og vår. I tillegg speler du i Sør-Afrika i november og på treningsleir i Europa på våren. Her får du svinganalyse av ein lærar med 0,8 i handicap som ynskjer å formidle golfglede, anten du er ein fersk eller erfaren spelar.

Heimebane
På Sunnmøre GK si 9-holsbane har du gratis spelerett og du har fri tilgong til klubben sin nye Trackman simulator. Bana ligg berre eit langt utslag frå skulen. Her kan du spele så myke du vil på fritida. Om du ynskjer meir speletid kan du også ha golf valfag. Legg du til speling i helgar og på kveldstid, vil du garantert få nok golf til å utvikle deg.

Meir enn golf
Utanfor golfsesongen vil du vere saman med linja Idrett.Ball. Då får du ulike ballspel, surfe i Hoddevika, køyre pudder på Strandafjellet, klatre Via Ferrata, køyre styggfort på gokartbana, vere snikskytter i paintball, dødse frå 5-meter’n, teste ut ein dag med paraglider, trene så mykje du vil på treningssenter og mykje anna.

Sør-Afrika
På turen til Sør-Afrika får du spele på nokre fantastiske golfbaner. Du får høg puls i ditt fyrste fallskjermhopp og i verdas lengste strikkhopp på 216 m, du surfar og er sjølvsagt ein dag på Safari. På Robben Island får du besøke fengselscella til Nelson Mandela.

Treningsleir
Det blir også ei veke på treningsleir på våren. Det er ikkje bestemt kor denne det blir, men dei siste åra har linja vore i Polen eller Spania. 

Eigentleg er vel saken er klar?
Berre pakk golfbagen og kom!

Fortsatt nysgjerrig?
Sjekk ut “les meir om linja” litt lenger ned på sida.