For å kunne vere ein god musikalartist treng du som sagt meir enn berre talent. Du treng bransjekunnskap, tryggleik og god sjølvinnsikt. Det er målet med dette året.

Innhald
Det er stor breidde i det du skal innom. Her kan du kome dersom du er nysgjerrig på å bli skodespelar, songar og/eller dansar. Du får også drive med dubbing, show, barneteater eller revy. Du står framfor/bak kamera, skriver eigne manus, koreografere/regissere produksjonar og set opp musikaler, for å nemne noko.

Hausten
I starten av haustsemesteret er du med på å setje opp kabaretshowet til klassen. Veke for veke vil du arbeide med ulike sjangrar og nummer som til saman skal bli ei storslått førestilling.

Førestillinga kan innehalde Broadway-nummer, soloar og duettar, a cappella-nummer, revy- og humornummer og show- og dansenummer i kjend pop- og rockestil.

Nokre av innslaga skal du, saman med klassen, vere med på å koreografere og regissere. Du er òg med på å bestemme scenografi og kostyme, og på å lage den raude tråden i førestillinga.

Studietur
I november ventar ein interrailtur i Europa på om lag 15–18 dagar. Dette blir ein tur der du besøkjer nokre av dei største musikalbyane i Europa og får mykje fagleg og inspirerande påfyll, kombinert med backpackarstemning. 

Det heile startar sjølvsagt i London, der du får sjå ulike musikalar, besøkjer Mountview Academy of Theatre Arts og tar danse- og teaterklassar ved Pineapple Dance Studios. Deretter blir det meisterklassar innan show, musikal og teater, og du får casting- og auditiontrening med ein agent.

I vakre Paris står Eiffeltårnet og sjølvaste Moulin Rouge for tur. Deretter reiser du vidare til Amsterdam, ein fargerik by full av kanalar, syklar, smale hus og gatekunst.

Neste etappe går til Bochum i Tyskland. Der får du oppleve den spektakulære førestillinga Starlight Express. Kanskje blir det også eit spennande innblikk bak scena. Og du kan ikkje forlate Tyskland før du har opplevd Hamburg, ein av dei største musikalbyane i Europa.

Turen blir avslutta i Stockholm med Wallmans Dinner Show og omvising på Ballettakademien og Kulturama Artistskolan. Det er to skular du kan vurdere for vidare utdanning dersom draumen er å bli musikalartist.

Fram mot jul
I dei siste vekene av haustsemesteret bruker du noko av det du har lært på studieturen i ei ny setting. Då skal du vere med på å lage ein musikal- og dansevideo der du jobbar med skodespel og dans framfor kamera. Det blir òg dagar med manusutvikling, filming, redigering og klipping.

Januar
Du kickstartar vårsemesteret der du – saman med heile skulen – set opp ein musikal frå start til slutt. Her kan du halde fram med å utvikle deg som musikalartist på scena. Du får òg høve til å prøve deg på andre sider ved ein stor produksjon, til dømes band, kostyme, scenografi, lyd og lys.

I to veker legg du all anna undervisning til side og jobbar berre med musikalen, dag og natt. Kvart år ser om lag 2500 tilskodarar oppsetjinga i Sjøborg Kulturhus. I fjor sette elevane opp The Sound of Music. Tidlegare har mellom anna High School Musical, Annie, Madagaskar, Happy Feet, Rockeulven, Oliver Twist, Ronja Røvardotter, Løvenes konge og Jungelboken stått på programmet.

Fram mot vinterferien
Etter musikalen er det på tide å tenkje framover. I denne perioden er det bransjefokus og auditiontrening. Du jobbar med monologar, solosong og korleis du best kan førebu deg til audition. Alt du øver på her, får du bruk for når du seinare skal på audition til hovudproduksjonen til klassen. Det blir òg fotoshoot der du får profesjonelle portrett- og heilfigurbilete til porteføljen din.

I denne perioden får du besøk av ein profesjonell dubbingskodespelar og -instruktør som underviser i karakterarbeid og stemmeskodespel. Ho møter du igjen veka før vinterferien når du reiser til Oslo. Då blir du med henne på jobb i eit av dei største dubbingstudioa i Noreg. Der får du sjølv prøve deg som stemmeskodespelar og dubbar.

I Oslo blir det òg besøk og omvising backstage på både Nationaltheatret og Det Norske Teatret. I tillegg får du delta på meisterklassar med kjende skodespelarar og musikalartistar.

Etter vinterferien
I denne perioden er det fullt fokus på å setje opp ei eiga framsyning med klassen. Det kan vere ein ny musikal i kulturhuset, å dra på ein miniturné med ei barneteaterframsyning eller å setje opp ei utandørs teaterframsyning i skogen. Kva det blir, avheng i stor grad av deg og klassekameratane dine. I tillegg til å stå på scena må du uansett rekne med å jobbe med kulissar, scenografi og kostyme.

Etter påskeferien
På slutten av eit folkehøgskuleår er det mykje som skjer på tvers av linjene. I denne perioden er det derfor ikkje dei store prosjekta på linja. I staden vil du jobbe med improteater og du vil ha dansetimar. Dette er også tida for å ferdigstille showreel og voicereel.

Sunnmøre
Du har sikkert erfart at det av og til kan vere tungt å stå inne på ei scene når sola skin utanfor vindauget. Derfor vil delar av undervisninga skje ute i det fri, anten som kulisse for opplegga over eller for å gi variasjon til kvardagen inne. Det betyr at det ikkje er noka ulempe om du også er gira på å teste ut aktivitetar som surfing, RIB-tur, hengekøyecamp og spektakulære fjellturar. Sunnmøre har mykje å by på som du garantert vil bli glad i.

Vi lovar …
Dette er ei ny linje som startar opp skuleåret 2027/28. Det gjer at alle planar naturleg nok ikkje er heilt spikra enno. Forhåpentlegvis har du likevel fått eit godt innblikk i kva som ventar deg på denne linja. Vi lovar i alle fall at vi skal jobbe hardt for at du skal få nok tid i rampelyset til å teste ut om musikalartist er det du skal bli.

Vi håpar å sjå deg til hausten, anten du kjem av nysgjerrigheit eller for å følgje draumen din!

På Sjøkrigsskolen i Bergen vil du få testa fysikk og psyke både på land og i vatnet! Her får du også eit innblikk i kva Forsvaret har av karrieremoglegheiter. Då får du ein smakebit på kva som kan vente deg, anten du vurderer fyrstegongsteneste eller befalsutdanning. Vi tippar du vil like det!

Her får du eit 40-timar langt kurs i røykdykking. Ved bestått kurs og fysisk test blir du røykdykkar. Det betyr at du mellom anna kan få jobb i det lokale brannvesenet i ein del kommunar rundt om i landet. Kurset er også nyttig å ha om du ynskjer å jobbe på skip, plattform eller i enkelte industri-verksemder. 

På den 18 dagar lange studieturen til Marokko ventar fyrst ei veke på surfecamp. Taghazout er verdskjend for sine mange spots og leverer god stemning uavhengig av nivå. Du får også dagar med sanddyne-surf, deep-water soloing, snorkling og juving.

I Atlas-fjella nær Sahara-ørkenen ventar klatring og fjellturar opp mot 2500 moh. Opphaldet i Marokko avsluttast med nye surfedagar med god temperatur i sjøen og deilige 20-25 grader i lufta.

I den vesle landsbyen Ilula vil du bli kjent med skulen sin Stop Poverty-partner. Her får du også eit heilt unikt møte med ein Masai-stamme før opphaldet blir avslutta med at klassen i smågrupper besøker kvar sin vertsfamilie. Då får du tilbringe ein dag på landsbygda hos ei familie som bur i jordhus med stråtak og lager maten sin på bål. Dette er kvardagen for dei, og ei heilt uvanleg oppleving for deg.

På studieturen får du sjølvsagt oppleve ein storslått safari med løver og elefanter i Mikumi nasjonalpark før ophaldet avsluttast med djembekurs, azurblått hav og kritkvite strender på Zanzibar. 

Tanzania er eit nytt reisemål for Musikk.Friluft frå om med hausten 2026, men linja Global.Safari har reist dit i mange år allereie. Under kan sjå litt film og bilete frå deira tur. 

Sunnmøre byr på mange fantastiske naturopplevingar, men november månad er ikkje akkurat 10/10 på Vestlandet. Då dreg du i staden på treningsleir til ein luksuriøs sportsresort i Spania der temperaturen er høgare og der sola sørger for rikeleg med tilførsel av D-vitaminar. Då blir det dagar med ulike workshops, mykje fagleg påfyll, ekte blodslit og velfortjent restitusjon på kritkvite strender. 

Sidan dette er ei ny linje er reisemålet for studieturen ikkje heilt bestemt enno, men Spania har fleire aktuelle lokasjoner. Uavhengig av reisemål blir det uansett dagar spekka med linjeinnhald og fellesskapsopplevinger.

Alle kostnadane til turen er inkludert i skulepengane.

Denne linja har store ambisjonar! Målsettinga er at du skal lære så mykje om trening og helse at du kan bli sertifisert som Personleg Trenar gjennom eit samarbeid med AFPT.

På grunn av det høge faglege nivået på linja er det også mogleg å dokumentere kunnskapen din slik at du kan få 30 studiepoeng på Høgskulen i Volda. Det skjer rett etter skuleslutt gjennom ein praktisk og ein teoretisk test.  Vanlegvis kostar ei slik PT-utdanning nærare 60 000 kroner, men du får det altså inkludert i linjekonstadane. Det kan fort bli ein uslåeleg kombinasjon!

Linjeinnhald
I løpet av året vil du både jobbe med dine eigne treningsmål og du vil få kunnskap om korleis du kan hjelpe andre til ein sunn og aktiv treningskvardag. På linja vil du lære mykje om effektive treningsmetoder, programdesign, ernæring, anatomi, fysiologi, treningslære, bevegelighet, skadeforebygging, utholdenheit og mykje anna.

Treningssenter
Den praktiske undervisninga vil i hovudsak foregå på eit stort treningssenter 50 meter frå skulen. På senteret finn du to squashbaner, ein crossfit-rigg og det du treng av tredemøller, apparat og lause vekter. På det andre treningssenteret som Sporty har i byen finn du blant anna også ein spinningsal og ein sal for gruppetreningar. Du finn ei lenke til 3D-visning av senteret ved skulen her.

Meir enn PT
Denne linja inneheld meir enn berre livet på treningssenteret. Ein del av linjetida vil vere saman med skulen sine idrettslinje og blålys-linje. Det gjer at du blir ein del av eit større miljø der du blant anna får testa ut surfing, RIB, vannsport, klatring, Via Ferrata og spektakulære turar i dei vakre Sunnmørsalpane.

I løpet av året vil du få tilbod om å overnatte i lavvo og hengekøye under åpen himmel. Det er med andre ord ein fordel om ikkje all din motivasjon og all din forventning kun handler om det som skjer i treningsstudioet.

Treningsfasilitetar
Skulen har eigen gymsal og eigen frisbeegolfbane. I tillegg har Ulsteinvik sannsynlegvis Norges beste miks av splitter nye idrettsanlegg. Rett ved skulen finn du ein turnhall, padelhall, buldrehall, fotballstadion, innendørs fotballhall, kampsportstudio og ein svær fleirbrukshall med klatrehall og badeland. I tillegg er her ein av Norges største friidrettshallar og Karsten Warholm Stadion til friidrett. 

Ikkje langt frå skulen finn du også ei sykkelbane med flytstiar, ei 18-hols fotballgolfbane og ei fin 9-hols golfbane med ein avansert golfsimulator. Alt dette gjer at du kan få trene veldig allsidig dette året. Treningssenteret, klatrehallen og badeland har du fri tilgong til om du blir med i skulen sitt lokallag av KFUK-KFUM. Det kostar kun 500 kroner for eit heilt skuleår.

Studietur
Sunnmøre byr på mange fantastiske naturopplevingar, men november månad er ikkje akkurat 10/10 på Vestlandet. Då dreg du i staden på treningsleir til ein luksuriøs sportsresort i Spania der temperaturen er høgare og der sola sørger for rikeleg med tilførsel av D-vitaminar. Då blir det dagar med ulike workshops, mykje fagleg påfyll, ekte blodslit og velfortjent restitusjon på kritkvite strender. 

Sidan dette er ei ny linje er reisemålet for studieturen ikkje heilt bestemt enno, men Spania har fleire aktuelle lokasjoner. Uavhengig av reisemål blir det uansett dagar spekka med linjeinnhald og fellesskapsopplevinger. Alle kostnadane til turen er inkludert i skulepengane.

PT-sertifisering
Det spesielle med denne linja er at du sjølv kan velge om du vil fokusere på eigne treningsmål eller om du vil følge eit tilrettelagt opplegg som gjer at du kan ta ein praktisk og teoretisk sertifiseringstest hos AFPT etter skuleslutt. Dei er den største aktøren i PT-bransjen i Norden. Består du denne testen har du plutseleg ei PT-utdanning som gjev deg ein EHFA nivå 4-sertifisering. Den gjer deg svært attraktiv som PT i både inn- og utland. 

30 Studiepoeng
Som nemt tidlegare er det på grunn av linja sitt høge faglege nivå mogleg å dokumentere kunnskapen din slik at du kan få 30 studiepoeng hos Høgskulen i Volda. For å få til det må du bestå den same praktiske og teoretiske testen som hos AFPT og du må gjere nokre korte innleveringar. Dette skjer rett etter skuleslutt. Desse studiepoenga kan du bygge vidare på i andre framtidige studier. 

Eigeninnsats
Hvis du ynskjer å bli PT vil det forutsette ein solid eigeninnsats av deg. Det kan difor vere ein fordel, men ikkje eit krav, at du enten har gått idrettslinja på vidaregåande eller at du har erfaring frå systematisk trening frå tidlegare. Det viktigaste er likevel at du er motivert og at du er villig til å jobbe målretta for å utvikle deg fagleg.

Til gjengjeld stiller skulen med lærarar som skal hjelpe deg å nå desse måla, enten du treng mest støtte på det teoretiske eller praktiske feltet. Det er også mogleg å bruke valfagtid i tillegg til linjetid for å oppnå dette.

Lærarar
Du vil møte tre lærarar på linja som alle på ulik måte vil følge deg opp i løpet av året. To av dei er sjølv Personleg Trenar og jobbar i dag som kursholdarar i PT-bransjen. Dei sørger for at du blir oppdatert på dei best dokumenterte treningsmetodane og den nyaste forskninga. Det er på grunn av desse at Sunnmøre Folkehøgskule er den einaste folkehøgskulen AFPT har dette samarbeidet med.

Folkehøgskulelivet
Det er mange som ikkje veit så mykje om kva ein folkehøgskule er. Eit av kjenneteikna er at du bur på internat på skulen og at du har 100 andre elevar rundt deg heile tida. Det spesielle er også at det er laurdagsundervisning og at det vil vere opplegg på dagtid, kveldstid og i helgane. Best av alt: Alle er der fordi dei har lyst til å vere der og fordi dei ynskjer å lære mest mogleg.

Saman med resten av elevane på skulen kan du vere med på musikal, elevkveldar, fellesturar, skiveke, valfag, kapellsamlingar, gymsal-aktivitetar og filmkveldar. Linjefaget er med andre ord berre ein av mange ting som ventar deg dei neste ni månadane. Når året er omme kan det fort vere opplegga på tvers av linjene som sit sterkast igjen. Kva som blir ditt høgdepunkt i året står igjen å sjå.

Ny linje
Dette er ei ny linje som startar opp til hausten. Det gjer at alle detaljar enno ikkje er på plass. Vi må difor ta atterhald om at det kan bli nokre justeringar fram mot skulestart. Uansett lovar vi å jobbe steinhardt for at du skal få eit så bra år som mogleg.

Håper vi sjåast i august!

To av dei er sjølv Personleg Trenar og jobbar i dag som kursholdarar i PT-bransjen. Dei sørger for at du blir oppdatert på dei best dokumenterte treningsmetodane og den nyaste forskninga.

Sunnmøre Folkehøgskule er den einaste folkehøgskulen AFPT har eit samarbeid med. Det er på grunn av linja sitt høge faglege nivå at det også har eit samarbeid med Høgskulen i Volda der du kan ta 30 studiepoeng rett etter skuleslutt.