Fyrste steg på vegen mot ein skuleplass er å sende inn ein søknad til skulen. Sidan linja ofte blir full, er det lurt å søkje tidleg sjølv om opptaket ikkje starter før 15.november. I etterkant av søknaden vil både søkjaren og føresette/kontaktpersonen motta ein epost med eit skjema som vi ber dykk fylle ut. Dette skjemaet gjev skulen meir informasjon om deg som søkjar.

Etter at skjemaet er motteke, blir søkjaren og foreldre/føresette invitert til eit møte på skulen der de får omvisning og vi får tid til ein utfyljande prat for å bli betre kjend. Etter 15.november vil du få ei skriftleg tilbakemelding om du har fått skuleplass eller ikkje.

Det tek tid å få godkjenning frå NAV og dei stiller krav til ein god dokumentasjon av behovet for støtte. Det er difor viktig at den faglege grunngjevinga er på plass. Desse dokumenta skal vere med i søknaden til NAV:

• Dette får du tilsendt frå folkehøgskulen:
  • Dokumentasjon angåande ADL-læringsmål
  • Dokumentasjon på kostnadar på linja
  • Dokumentasjon på skuleplass (ja-svar)
• Dette må du få frå det lokale hjelpeapparatet og heimekommunen:
  • Dokumentasjon frå lege/spesialhelseteneste/PPT eller annan fagperson som begrunnar kvifor det er hensiktsmessig og nødvending at ungdommen skal få tilrettelagt opplæring på folkehøgskule
  • Dokumentasjon frå heimekommune der dei skildrar kva slags alternativt tilbod dei har til ungdommen. Om dei ikkje har eit tilbod, må det kome fram i dokumentasjonen
• Dette må du printe ut frå nav.no og legge ved:
  • Førsteside til søknaden som er lasta ned frå nav.no
  • Søknadsskjema 10-07.24 ferdig utfylt

Om du har spørsmål, ikkje nøl med å ta kontakt med linjeansvarleg Ingfrid Grimstad (ig@sufh.no/95941557). Ho har lang erfaring frå tidlegare søkjeprosessar som bidreg til at behandling kan gå raskare og med vesentleg mindre arbeid for søkjaren. Ho vil også gje ein utfyllande vegleiar til sjølve Nav-søkinga til alle som får tilbod om skuleplass.

I februar reiser vi frå kulda og mørket på treningsleir til Spania. Dette blir ei god veke med 100 % golf frå morgon til kveld.

Bo.Aktiv er ei tilrettelagt linje med plass til 6-8 elevar. I samarbeid med heimen og hjelpeapparatet i heimkommunen din, utarbeidar vi personlege målsetjingar for deg.

Fellesskap
Bo.Aktiv (BOA) har ein del undervisning for seg sjølve, men deltek også på fellesfag, valfag, måltid og sosiale aktivitetar ilag med 100 ungdomar på skulen. Heile skulen reiser også på mange turar i løpet av året, og er saman på laurdagsseminar, elevkveldar, musikal, kapellsamlingar, filmkveldar og andre fellesopplegg.

Nye rammer
Du er sikkert spent på korleis det blir å bu her på skulen eit heilt år. For mange er dette første året heimanfrå, så det blir eit viktig år i livet ditt der du får prøve mykje nytt. For nokon kan det vere å setje på vaskemaskina med eigen klesvask for fyrste gong. For andre kan det vere å reise langt ut i verda utan den næraste familia rundt seg.

Internat
På internatet får alle elevane på Bo.Aktiv sitt eige elevrom med bad. Det ligg i 1. etg nær vakthavande lærar og her er også ein eigen servicestasjon i gangen med vaskemaskin, tørketrommel og vaskeutstyr.

Fire T-ar
På denne linja er fire ord på T viktige: Tid, tryggleik, tilpasning og tillit. Fordi vi er fleire vaksne på denne linja, kan vi bruke meir tid hvis du treng det, vi kan skape trygge rammer når du skal lære, tilpasse oppgåvene til dine føresetnader og gje deg tillit slik at du får prøve nye ting og utvikle deg som menneske.

Studietur
Bo.Aktiv reiser til Spania i oktober/november. Å reise saman er veldig bra for klassemiljøet, og vi lærer mykje gjennom å møte ny kultur, ny mat, nytt språk, ny valuta og nye menneske. Når du kjem heim, er du ikkje heilt den same. Du har lært mykje og fått minner for livet.

Fritid
På fritida har du tilgong til eit stort treningssenter 50 meter frå skulen. Der finn du squashbaner, crossfitanlegg og det du treng av treningsapparat. Treningssenteret, og byen sin klatrehall og badeland, kan du bruke så mykje du vil om du blir medlem i skulen sitt lokallag av KFUK-KFUM. Det koster kun 500 kroner for eit heilt skuleår.

Økonomi
Opplegget på denne linja krev at du søkjer om ekstra økonomiske ressursar frå heimekommuna, NAV, fylkeskommune eller andre. Av den grunn kan det vere lurt å søkje så tidleg som mogleg.

Kontaktlærar
Vi er tre lærarar som jobbar på Bo.Aktiv; Vegard, Beate og Ingfrid. Ein av oss vil bli kontaktlæraren din og ha eit spesielt ansvar for å følge deg opp.  Det er alltid to lærarar tilstades i timane, men nokre av dagane og turane er alle tre med. Vi har også tre stipendiatar (andreårselevar) som hjelper til på linja både på dagtid og kveldstid.

Kontakt
Om du har spørsmål, ta kontakt med avdelingsleiar Ingfrid.

Reisemålet har variert i dei seks åra vi har hatt linja, og vi har vore både til Spania, Sør-Afrika og Gran Canaria. Vi ynskjer å bli betre kjent med klassa og den enkelte elev før vi bestemmer reisemål, slik at vi er sikre på at vi får ein godt tilrettelagt tur som passar for alle som skal vere med.

Å reise på utlandstur saman er veldig bra for klassemiljøet, og vi lærer mykje gjennom å møte ny kultur, ny mat, nytt språk, ny valuta og nye menneske. Når du kjem heim, er du ikkje heilt den same. Du har lært mykje nytt og fått minner for livet.

Har du 2:07 minutt? Då kan du få eit lite innblikk i kva som ventar deg på linja. Men hugs: du må oppleve det for å forstå det, du må vere her for å få det!

Eit år på folkehøgskule byr på mange magiske augneblikk. Her ser du noko av det som skjer på linja. Du finn fleire på instragram (@boaktivsunnmorefhs).

For nokon kan det vere å ta kontakt med andre, å gjere daglege aktivitetar eller å reise. For andre kan det vere å få meir sjølvtillit i ulike situasjonar.

På Bo.Aktiv får du undervisning i trygge omgjevnadar i eit stort felleskap. Du trener på å bu åleine, er saman med andre ungdomar og får prøve ut eit  mangfald av aktivitetar. Du set deg eigne mål og undervisninga blir tilpassa deg.

Vi trur at du saman med oss vil oppleve meistring og glede, og at du vil oppdage nye sterke sider ved deg sjølv. Saman får vi utrulege ting til å skje!

Her kan du lese ein eigen informasjonsfoldar for Bo.Aktiv-linja

Fortsatt nysgjerrig?
Sjekk ut “les meir om linja” litt lengre ned på sida. 

Dette ei fast side som går igjen på alle sidene. Dette ei fast side som går igjen på alle sidene. Dette ei fast side som går igjen på alle sidene. Dette ei fast side som går igjen på alle sidene. Dette ei fast side som går igjen på alle sidene.