Avslutningsfest i mai

Post bilde

Eit kvart skuleår må diverre ha ein slutt. For  vår del er det laurdag 9. mai 2020.

I samband med siste skuledag ynskjer vi å invitere til ein storstilt avslutningsfest der vi kan avslutte på ein fin og verdig måte. For å få til det, treng vi hjelp.

Informasjon til storfamilien: 
Sunnmøre Folkehøgskule vil med dette invitere dykk som familie/foreldre/føresette til å vere med oss på avslutningsfesten laurdag 9. mai. Programmet for dagen vil i store trekk sjå slik ut:

Kl. 11.00-12.15 Varm lunsj-buffè (gratis for alle)
Kl. 12.30-14.30 Avslutningsprogram i festsalen

Sjølv om nokon av dykk kjem til Ulsteinvik fredag, håper vi de forstår at vi ynskjer ”å vere åleine” med elevane den siste kvelden i skuleåret. Vi reknar med at festen laurdag er slutt til kl. 14.30, slik at dei fleste kan ha sjanse til å nå heim denne dagen.

For dei med lengst reiseveg, kan det vere lurt å ta overnattinga på vegen før de kjem til Ulsteinvik. Vi har dessverre ikkje ledige rom for overnatting på skulen denne helga.

Aktuelle overnattingsstader i nærområdet er Quality Hotel Ulstein (tlf. 70 01 30 00), Flø feriesenter (tlf. 70 01 50 80) eller Thon Hotel Fosnavåg (tlf. 70 08 10 00).

I denne pdf-en finn du informasjon om korleis du enklast kjem deg til/frå skulen med buss, hurtigrute og fly. Her er også ein oversikt over flybussar og hurtigbåtar frå flyplassen på Vigra.

Du melder deg på helga ved å bruke dette skjemaet. Påmeldingsfristen er 24. april.

De er hjarteleg velkomne og vi håpar at så mange som mogleg kan vere saman med oss denne dagen!